الحب مش تفاهة أبدًا، الحب بيفتح لك أبواب ماتوقعتش إنها في يوم من الأيام هتفتح
مع كل بداية ليوم جديد فكّر دقيقة، هل استرخي باقي اليوم وأمارس حياتي بحب وانسجام، ولا أضغط نفسي وأتحمل مسئولية؟
الفرق واضح وكبير، فعل الشيء في الحالتين هيتم، لكن؛ لما بتعمل الشيء من باب إنك بتتبسط وبتستمتع بخطوات وبتنجز وبتكافئ نفسك، إنت كده بتندمج مع نفسك
لو كررت ده (من منطلق حب مش مسئولية) إنت كده بتكوِّن هوية ليك بمنتهي الجمال، مُحبة وواعية بدرجة كبيرة .. متناغمة مع أحداث الكون واحداث اليوم بشكل هيفاجئك إنت شخصيًا
لكن
لو قررت تتعامل مع نفسك بعملية شديدة، وقررت تشوف الحاجات اللي هتعملها علي إنها مهام، وعملت فجوة بينك وبين الحاجات دي، مش بتعملها بدافع حب لأ عشان تكون خلصت اللي عليك، وقتها إنت بتحول نفسك لإنسان آلي أو ماكينة بيمشي ورا خطوات تتعمل وبيعمل "تم" ورا كل حاجة يعملها بدون أي روح.
مفيش أي تناغم بينه وبين اللي بيعمله
مفيش روح بتستمتع
مفيش حياة متدفقة بينك وبين الحاجة دي
مفيش جسر من المعرفة الكونية بيتبني بينك وبينها
فيه حاجز كبير اسمه "أنا بعمل عشان أخلص اللي ورايا" .... هل حسيت الفرق؟